Այս օրը. Եփրեմ Ասորի

Եփրեմ Ասորին ծնվել է մոտ 306թ-ին Միջագետքի Մծբին քաղաքում: Պարսիկների հարկադրանքի ներքո կայսրը, Եփրեմը և այլ քրիստոնյաներ լքում են իրենց երկիրը և տեղափոխվում Եդեսիա: Այստեղ Եփրեմն արդեն իսկ մեծ հռչակ էր վայելում որպես ուսուցիչ: Նա հիմնում է Աստվածաշնչի ուսումնասիրության դպրոց:

Եդեսիայում ապրելու տարիներին բնակվում է քարայրում, ուտում միայն գարու հաց ու բանջարեղեն: Ճաղատ, կարճահասակ՝ առանց մորուքի, նա իրական ասկետ էր:

Դարեր առաջ՝ մինչ  Անաղարտության հայեցակարգի վարդապետությունը պաշտոնական դոգմա կդառնար, Եփրեմն արդեն սովորեցնում էր այդ մասին: Նա հավատում էր Քրիստոսի իրական ներկայությանը սուրբ հաղորդության ժամանակ:

Բացի այս նա շատ օրհներգեր էր գրում: Դրանք նա դիտարկում էր որպես քրիստոնեական կրթության անհրաժեշտ տարր: Հետևաբար նրա երգերից շատերը վերաբերում էին հավատքին: Մյուսները հակազդում էին այդ ժամանակ տարածված շատ հերետիկոսությունների: Կային այնպիսիք, որ շոշափում էին խաչելության, դրախտի, եկեղեցու և այլ թեմաներ: Սրանք բոլորը մեծ տարածում ունեին և երգվում էին քրիստոնյաների կողմից:

Նա մեկնաբանություններ է թողել գրեթե ողջ Աստվածաշնչի վերաբերյալ: Նրա ստեղծագործությունները բավական ազդեցիկ էին. դրանք թարգմանվել են վրացերեն, արաբերեն, հունարեն, լատիներեն, սլավոնական և ղպտիական լեզուներով:

Եփրեմի վերջին հրապարակային գործը Եդեսիայի սոված, չքավոր բնակիչներին կերակրելն էր:

Համարվում է, որ նա մահացել է բավական տարեց հասակում այս օրը՝ 373թ-ի հունիսի 18-ին:

Աղբյուր՝ christianity.com