Հայաստանը «Լավագույն երկրների ինդեքսում» զբաղեցրել է 75-րդ տեղը

Հայաստանը «Լավագույն երկրների ինդեքսում» զբաղեցրել է 75-րդ տեղըGood Country Index միջազգային հետազոտական նախագիծը («Լավագույն երկրների ինդեքս») հրապարակել է այս տարվա նույնանուն վարկանիշը, որում Հայաստանը զբաղեցրել է 75-րդ տեղը 163 երկրների շարքում. գրում է tert.am-ը:

Նախագիծն ամեն տարի կազմում է այս վարկանիշը՝ հաշվի առնելով 35 կետ, որոնք դասակարգված են յոթ բաժնում. գիտություն և տեխնոլոգիա, մշակույթ, անվտանգություն, կլիմա, բարգավաճում, իրավահավասարություն, առողջություն և բարեկեցություն:

Լավագույն երկրների ինդեքսի այս տարվա արդյունքների համաձայն՝ Ռուսաստանը զբաղեցրել է 65-րդ, Վրաստանը՝ 57-րդ, Թուրքիան՝ 38-րդ, Ադրբեջանը՝ 89-րդ, Իրանը՝ 131-րդ տեղը:

Վարկանիշի առաջին տասնյակում հայտնվել են Նիդեռլանդները, Շվեյցարիան, Դանիան, Ֆինլանդիան, Գերմանիան, Շվեդիան, Իռլանդիան, Մեծ Բրիտանիան, Ավստրիան և Նորվեգիան: Վերջին՝ 163-րդ տեղում հայտնվել է Աֆղանստանը:

Հայտնի է, որ վարկանիշը հիմնված է ՄԱԿ-ի, Համաշխարհային բանկի և Առողջապահության համաշխարհային կազմակերպության տվյալների վրա: