Այս օրը պատմության մեջ. Աղոթքներ, որ փոխեցին Ամերիկան

Այս օրը պատմության մեջ. Աղոթքներ, որ փոխեցին Ամերիկան1857 թ-ի այս օրը` սեպտեմբերի 23-ին, Նյու Յորքի վարձու սրահներից մեկում Ջերեմի Լենֆիերը մի քանի հոգու հետ ծնկաչոք աղոթք էր անում` իր հոգում ունենալով Աստվածաշնչի խոսքերը. «Որտեղ երկուսը կամ երեքը հավաքվեն Իմ անունով, Ես այնտեղ նրանց մեջ եմ»:

Այս տարիներին Ամերիկան դժվարին ժամանակներ էր ապրում՝ գտնվելով հոգևոր, քաղաքական և տնտեսական անկման մեջ: Երկիրը ֆինանսական ճգնաժամի մեջ էր. բանկերը սնանկացել էին, երկաթուղին` անվճարունակ դարձել, գործարանները` փակվել. երկրում աճում էր գործազրկությունը: Զանգվածային արտագաղթի պատճառով եկեղեցիները ևս ոչ բարվոք վիճակում էին: Պետք էր ապավինել  աղոթքի զորությանը:

Ջերեմին չէր կարող քայլեր չձեռնարկել: 1857 թ-ի հենց այս օրվանից նա սկսում է սրահներ վարձել և աղոթքաժողովներ կազմակերպել՝ վայելելով Աստծո հովանավորությունը: Ամերիկայի վիճակի օր օրի վատթարացումը առավել ևս նպաստում է, որ մարդիկ դառնան դեպի Տերը: 3 շաբաթում աղոթքաժողովի մասնակիցների թիվը արդեն 40-ի է հասնում, իսկ 6 ամսվա ընթացքում՝ մոտ 10.000-ի: Համազգային աղոթքին շուտով միանում են նաև մի շարք այլ քաղաքներ, ուր հավատացյալների թիվը ևս մի քանի հազարի էր հասնում: Շատ վայրերում վրաններ էին ամրացնում աղոթքի համար:

Այս աղոթքաժողովները հաջորդ տարի արդեն՝ 1858 թ-ին, հանգեցնում են համազգային արթնության վերելքին՝ ընդրկելով ընդհուպ Իռլանդիան, Շոտլանդիան, Ուելսը, Անգլիան, Եվրոպան, Հրվ. Աֆրիկան, Հնդկաստանը, Ավստրալիան և խաղաղօվկիանոսյան կղզիները:

Հասարակության բոլոր խավերը սկսում են հետաքրքրվել փրկությամբ. արտագաղթածները վերադառնում են,  քրիստոնյաները՝ սկսում երազել հոգևոր ճշմարտությունների մասին, ընտանիքներում հաստատվում են ամենօրյա աղոթքներ, համայնքներում ևս զգալի դրական տեղաշարժեր են լինում: Այսուհետ Քրիստոսի Ավետարանի ճշմարտությունները դառնում են  մարդկանց կենսակերպի մի մասը:

Աղբյուր` christianity.com

Հ.Գ. Շարունակ մեր երկրից, տնտեսությունից ու պայմաններից բողոքելու փոխարեն գուցե արդեն ժամանա՞կն է ձեռք ձեռքի բռնել ու աղաղակել Աստծուն…