Ամուր ընտանիքի հմտություններ

krepkayaԿան պարզ ճշմարտություններ, որոնք կարող են անհրաժեշտ լինել կյանքի ճանապարհին: Եվ դրանք կօգնեն ձեր ընտանիքն ամուր դարձնել, որպեսզի այն կարող լինի դիմակայել կյանքի փոթորիկներին:

Հարգանք դրսևորեք ձեր ամուսնու/կնոջ նկատմամբ

Ամուսինների պարտականությունը, որ անհրաժեշտ է հիշել ողջ կյանքի ընթացքում, միմյանց հարգելն է, հարգանքով վերաբերվելը դիմացինի ընտրություններին: Եթե ձեզ մի բան դուր չի գալիս, հիմնավորեք դա և անպայման ասեք: Այդժամ ձեզ կլսեն, և դիմացինը այլևս վիրավորանքով չի ընդունի ձեր կարծիքը:

Խորհրդակցեք

Հաճախ վեճերը ծագում են ամուսիններից մեկի չմտածված գործողություններից: Դա կարող է լինել մի նոր տեխնիկայի գնումը, օրինակ, կամ միայնակ որոշում կայացնելը որևէ հարցի վերաբերյալ: Գործողությունները կարող են տարբեր լինել, բայց վեճի հանգեցնում է այն հանգամանքը, որ դուք չեք խորհրդակցել՝ որոշելով երկուսի փոխարեն:

Հասարակ խոսակցությունը ձեր կողակցի հետ, առաջարկությունները և խորհուրդները, կարող են ազատել ձեր ամուսնությունը վեճից և ամրապնդել վստահելի հարաբերությունները:

«Թուլություն» դրսևորեք

Թուլությունը կարելի է դրսևորել որոշակի դեպքերում: Եթե դուք ամեն ինչում ճիշտ լինեք, երբեք դիմացինին չզիջեք վեճի մեջ կամ այլ դեպքում, դրանից երջանկությունը չի ավելանա: Ոչ ոք չի ասում, որ կյանքը կառուցվում է զիջումների վրա, բայց երբեմն դրանք անհրաժեշտ են, հատկապես՝ ընտանեկան կյանքում:

Մի ամաչեք ձեր ցանկություններից

Կան ամուսիններ, ովքեր վախենում են կամ ամաչում իրենց ցանկությունները հայտնել միմյանց և դա նորմալ են համարում: Այդ դեպքում՝ ինչո՞ւ եք ձեր կյանքը կապել մի մարդու հետ, ում հետ ամաչում եք կիսվել ձեր ցանկություններով: Ձեր «գաղտնիքները» բացելով՝ դուք թույլ եք տալիս նոր ալիքին՝ ներխուժելու ձեր ամուսնական առօրյա:

Սկսեք առավոտը ժպիտներով և ջերմ խոսքերով

Ուրախություն և սեր ցանեք ձեր ամուսնական կյանքում՝ առավոտից սկսած:

Օգնեք իրար

Փոխհասկացվածության մեջ ապրելու համար ամուսինները պետք է հոգ տանեն իրար համար. տղամարդը չի դադարի տղամարդ լինելուց, եթե օգնի կնոջը, իսկ կինն էլ չի կորցնի իր կանացիությունը, եթե օգնի տղամարդուն: Այս տեսակ մոտեցումը մտերմություն է բերում:

Խոսեք սիրո մասին

Ամուսնության մեջ տարիների հետ կորչում են այն առաջին սիրո գեղեցիկ խոսքերը, և դրանց գալիս են փոխարինելու կենցաղային խոսակցությունները: Հաճախ ձայնի երանգը արտահայտում է դժգոհություն: Եվ նման շփումը կարող է սովորական դառնալ, եթե երկու կողմերը չեն ցանկանում փոխվել: Այս պատճառով, արտահայտեք սիրո խոսքեր և շարունակեք միասին անցնել սիրո համատեղ ընթացքը:

Աղբյուր՝ hristian.in